ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་ནི་༸སྐྱབས་རྗེ་གྲུབ་དབང་ཡིད་བཞིན་ནོར་བུས་སྤྱི་ལོ་ ༡༩༦༣ བོད་ཟླ་ ༦ པའི་ཚེས་ ༡༠ ཉིན་གསར་དུ་རྒྱ་གར་ལྷོ་ཕྱོགས་སུ་ཕྱག་བཏབ། སྔ་འགྱུར་བའི་གདན་ས་འདི་ལ་གཞི་རིམ་སློབ་གྲྭ་འཛིན་རིམ་བརྒྱད་ཅན་ཡེ་ཤེས་འོད་གསལ་ཤེས་རབ་རལ་གྲི་གླིང་དང་། སྔ་འགྱུར་སྒྲུབ་སྡེ་བསམ་གཏན་འོད་གསལ་གླིང་དང་། བསམ་གཏན་དགའ་བའི་གླིང་། མཚོ་རྒྱལ་བཤད་སྒྲུབ་དར་རྒྱས་གླིང་།
མཐོང་བ་བརྒྱུད་པའི་ཕྱག་བཞེས་འཛིན་ས་གྲྭ་ཚང་དང་། འཕགས་བོད་ཀྱི་པཎ་གྲུབ་རྣམས་ཀྱི་གཞུང་ལ་འཆད་ཉན་གནང་ས་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་སོགས་ལས་གྲུབ་པའི་ཆོས་སྡེ་ཆེན་པོ་ཞིག་གོ།
མཐོ་སློབ་ཆེན་མོའི་ཕྱོགས་ཀྱི་རྣམ་གྲོལ་གླིང་གི་པར།